Agbalẽ sia ƒo nu tso nyɔnuvi ɖetsɔleme la ɖe si xa dzɔdzɔme ƒe dedienɔnɔ vevie la ŋu. Eƒe didi gbatɔ̃ enye be yeana Ɣe nakpɔ dzidzɔ. Mɔ ɖeka si dzi wòato lae nye be wòanyo dɔme akpe ɖe exɔlɔ̃wo ŋu le woƒe xaxawo ɖeɖeɖa me. Exɔlɔ̃wo nye Ati, Tsi, Ya, Alilĩ kple To. Ami fe dɔmenyo ŋutɔ be wò kpeɖe wo kata ŋuti eye wòwɔe be exɔlɔ̃ Ɣe gako alɔgbɔnui. Mede dziƒo na dzilawo be woaxlẽ agbalẽ sia kple woviwo ne woakpe ɖe woŋu be woate ŋu ase dzɔdzɔme gɔme tututu.

Ami ƒe Kalẽwɔwɔ nye ɖeviwo ƒe agbalẽ si lé ŋku ɖe amegbetɔ ƒe nuwɔna siwo gblẽa nu le nu siwo ƒo xlã mí la ŋu. Wolé kuxi sesẽ siwo ku ɖe nu siwo ƒo xlã mí ŋu la ɖe gbe si gɔme ɖeviwo ase bɔbɔe la me eye exexlẽ ado dzidzɔ na exlẽlawo hã. Ke yɔyɔ tu agbalẽ sia xlẽlawo be woawɔ nane be míaƒe AƑE la nakpɔ ɖeɖe. Agbalẽ sia fia exlẽlawo be woaho aʋa atraɖii ɖe nu sia nu si ahe gbegblẽ va dzɔdzɔme nu siwo ƒo xlã mí la ŋuti. Efia mɔ nyui siwo dzi woato aɖe ANYIGBA la hã. Agbalẽa nyo ŋutɔ na ɖevi siwo xɔ ƒe 6-16. Meka ɖe dzi be, avivi tsitsiawo hã nu.

Togbɔ be nyemega nye ɖevi o hã la, melɔ̃a ɖeviwo ƒe agbalẽ xexlẽ ɣe sia ɣi. Nusɔsrɔ̃ geɖe siwo míesrɔ̃ na le ŋutinya kpuiwo me la wɔ nuku. Ami ƒe Kalẽwɔwɔ ŋutinya sia xexlẽ na mede dzesii be, nyemexlẽ agbalẽ sɔgbɔ kuɖe nu siwo ƒo xlã mí la kple nu si ɖeviwo ate ŋu wɔ be xexeame naganyo na míaƒe nɔnɔ la ŋu o. Ta sia ta le agbalẽa me ƒo nu tso Ami ƒe kalẽ si wòwɔ la dometɔ ɖeka ŋu tsitotsito. Eye kalẽ vavãtɔ wonye! Ale si agbalẽa lé ŋku ɖe xexeme kuxiwo ŋui gbadza be egɔme nanyase na ɖeviwo bɔbɔe la hã sɔe nam ŋutɔ. Esi gawum kura enye dzesidede nyadoŋkuiawo be wogba nya siwo sesẽ la me na ɖeviwo ƒe gɔmesese nyuitɔ.

Ami Ƒe Kalẽwɔwɔ nye agbalẽ nyui aɖe si aʋu exlẽlawo ƒe susu ɖe nu siwo ƒo xlã mí la ƒe asixɔxɔ kple nu si ta wòle vevie be míakpɔ wo dzi nyuie hena míawo ŋutɔ ƒe nyonyo. Aƒenɔvi aɖe ku drɔ̃e be yeadze agbagba be nusiwo ƒoxlã mí la nanɔ dedie. Eƒe afɔɖeɖewo katã ku ɖe eƒe taɖodzinu sia ŋu be yeawɔe wòade go godoo. Le nuwuwu la, ebia biabia geɖe eye wòxɔ ŋuɖoɖo geɖe ha. Esiawo katã kpe ɖe ŋu be wòte ŋu ʋli nu siwo ƒo xlã mí kple exɔlɔ̃awo ƒe dedienɔnɔ ta. Melɔ agbalẽ sia elabena exexlẽ vivi ŋutɔ. Nu geɖewo le eme siwo woasrɔ̃ be woagade abi nugbagbewo kple dzɔdzɔme blibo la ŋuti o. Exexlẽ le bɔbɔ eye eme hã nya se. Nɔnɔmetata siwo kpe ɖe ŋu la dzeani ŋutɔ. Ne agbalẽ sia le gbe vovovowo me na ɖeviwo ƒe xexlẽ la, Ami azu kpɔɖeŋu na wo eye wòakpe ɖe wo ŋu be woalé be na xexeme awɔe wòanyo hã. Agbalẽ sia va nyuie le ɣeyiɣi siwo me yametɔtrɔ kple egbegblẽ bɔ la me.